Інстытут гісторыі НАН Беларусі працягвае выданне «Гістарычна-археалагічнага зборніка». Асобны раздел выпуску адведзены актуальным пытанням гісторыі Беларусі канца XVIII – пачатку ХХ стагоддзя. У зборніку змешчаны артыкулы гісторыкаў і археолагаў нашай краіны, прысвечаныя праблемам гісторыі, гістарыяграфіі, крыніцазнаўства і археалогіі. У артыкулах вучоных прадстаўлены найноўшыя дасягненні гістарычнай навукі, раскрыты сучасныя погляды на актуальныя праблемы айчыннай і замежнай гісторыі ад першабытнасці да сучаснасці.
Выданне разлічана на прафесійных вучоных-гісторыкаў, археолагаў, антраполагаў, выкладчыкаў, аспірантаў і студэнтаў, шырокае кола чытачоў, якія неабыякава ставяцца да гістарычнага мінулага.