У манаграфіі разгледжаны працэс станаўлення творчай асобы найбуйнейшага беларускага камедыёграфа-сатырыка Андрэя Макаёнка, адзначаецца вялікі ўклад яго творчасці ў развіццё паасобных жанраў айчыннай драматургіі. Увядзенне ў навуковы ўжытак новых фактаў біяграфіі пісьменніка дапамагае больш глыбока раскрыць мастацкую задуму некаторых яго твораў, пашырыць доказную базу пры аналізе пэўных элементаў.
Адрасуецца спецыялістам навуковага, педагагічнага, культуралагічнага профілю і ўсім, хто цікавіцца праблемамі беларускай драматургіі.

Лаўшук, С. С.
«Толькі б людзі не журыліся»: творчы лёс Андрэя Макаёнка / С. С. Лаўшук; Нац. акад. навук Беларусі, Цэнтр даслед. беларус. культуры, мовы і літ., Ін-т літаратуразнаўства імя Янкі Купалы. – Мінск: Беларуская навука, 2025. – 258 с.
ISBN 978-985-08-3314-3.