Дадзенае выданне ўпершыню знаёміць беларускага чытача з кнігай, якая аказалася незаслужана забытаю і нават не згадваецца ў энцыклапедычных даведніках і даследаваннях, прысвечаных дзейнасці славутага навукоўца. Аўтар сваёй кароткай прадмоваю да яе раскрыў невядомую старонку, звязаную з зараджэннем айчыннай графікі, расказаўшы пра яе пачатковыя крокі на нашай зямлі. Ён таксама пакінуў нагляднае ўяўленне пра гравюры, прадставіўшы ў кнізе 180 твораў, зробленых пераважна віленскімі мастакамі. Дзякуючы гэтаму сучаснікі могуць азнаёміцца хоць бы з часткаю багацейшых калекцый, што экспанаваліся ў Лагойскім і Віленскім музеях старажытнасцей.
Кніга можа выклікаць несумненны інтарэс у гісторыкаў, краязнаўцаў, мастацтвазнаўцаў, рэлігіязнаўцаў і ўсіх, каго цікавіць мінуўшчына Беларусі.

Тышкевіч, К.
Помнікі айчыннага гравёрнага мастацтва / Канстанцін Тышкевіч; прадм., пер. з пол. Уладзіміра Васілевіча; навук. рэд. В. І. Жук. - Мінск: Беларуская навука, 2020. - 232 с.: іл.
ISBN 978-985-08-2612-1.