Новая кніга паэзіі лаўрэата Дзяржаўнай прэміі Рэспублікі Беларусь імя Янкі Купалы і спецыяльнай прэміі Прэзідэнта Рэспублікі Беларусь дзеячам культуры і мастацтва Міколы Мятліцкага — жывое судакрананне ўсхваляванай душы паэта з параненай Чарнобылем радзімай, роднай вёскай Бабчын, што засталася за калючым дротам сумна вядомай зоны адчужэння самай маштабнай тэхнагеннай катастрофы ХХ стагоддзя. На працягу трох дзясяткаў гадоў ствараліся радкі, якім наканавана стаць балеснымі струнамі памяці былога жыцця і самоты развітання з дарагімі сэрцу мясцінамі. Творы паэта прасякнуты непахіснай верай у моц чалавечага духу, той сілай, якая дапамагае выстаяць у паядынкуз драпежнымі наступствамі чарнобыльскай трагедыі.

Мятліцкі, М. М.
Мой боль вырастае да зор : чарнобыльскія вершы / Мікола Мятліцкі. — Мінск : Беларуская навука, 2016. — 429 с.
ISBN 978-985-08-1932-1.