Часопіс уключае артыкулы айчынных даследчыкаў, прысвечаныя актуальным пытанням беларускага мовазнаўства. Праблемы функцыянавання беларускай мовы разглядаюцца на лексічным, словаўтваральным і марфалагічным узроўнях. Пэўнае месца ў выпуску займаюць артыкулы па пытаннях семантыкі, фразеалогіі, тапаніміі, гісторыі беларускай мовы. Асобная частка выпуску прадстаўлена навуковымі матэрыяламі дакладаў моваведаў Рэспубліканскай навукова-практычнай канферэнцыі «Інстытут беларускай культуры (1922–1928): нараджэнне нацыі і нацыянальнай навукі», прысвечанай 100-годдзю Інстытута беларускай культуры. У часопісе змешчаны нататкі па культуры мовы і этымалогіі, матэрыялы хронікі, а таксама рэцэнзіі на навуковыя выданні.
Разлічаны на мовазнаўцаў, настаўнікаў, студэнтаў, журналістаў.

ISSN 0320-7552